Ang Alamat ng Kampanang Ginto

September 15, 2019

Sinasabi na ang Cabuyao noon ay may pag-aari na Kampana na ginto. Ang kampana na ito ay dinala ng mga prayleng Pransiskano mula sa bansang Mexico upang mang-akit ng mga katutubong sumampalatayang Kristyanismo at talikuran na ang kanilang lumang pananamplataya. Dahil sa lakas ng tunog ng kampanag ito hindi nahalina ang mga tao subalit ito pa ay naging sagisag ng pagtutol ng nga tao sa paghahari ng mga Kastila. May mga babaeng buntis ay naagasan at ang mga taong malapit sa simbahan ay nabingi. Dahil dito tanging mga piling okasyon na lamang ang pinaggagamitan ng kampana. Dahil sa hindi na mabilang na insidente, napasya ang kalalakihang kumilos upang wakasan na ang mga pinsalang dulot nito. Sinasabi na ninakaw ito ng mga tulisan pero dahil ito ay sobrang bigat nagpasya na lamang ang kalalakihan na ihagis na lamang sa ilog ng Kamyas. Ayon sa kwento, naaaninag pa ang kampana mula sa kinalalagyan nito lalo na ang panahon ng tag-init o kaya naman ay kabilugan ng buwan. Sinabi na ang kampana ay inangkin na ng engkantada kaya ang sinuman ang magtangkang kunin ay mamamatay. Taong 1884 ng ibaba ng gobernador-heneral ang bilang ng sapilitang nagtatrabaho ng mga mamamayan mula sa 40 na araw sa 15 na araw na lamang bawat taon. Ang balitang ito ay malugod na tinanggap ng buong bansa.