September 11, 2019
Dahil nawala ang tatlong nayon sa Cabuyao, unti-unti ring nawala ang sigla nito. Natigil na ang pagdaong ng mga bangka na may dalang kalakal at produkto mula sa Maynila. Natigil na rin ang pagdala ng mga produkto ng Cabuyao tulad ng bigas at mga gulay sa ibang bayan. Napag-iwanan ang Cabuyao ng Biñan at Calamba noong mga panahong iyon sapagkat nanatili itong encomendia at hindi naging hacienda. Ayon sa kasaysayn, ang mga lugar na naging hacienda ng mga prayle, karaniwang ito ay nalinlang nang husto. Ang mga bayang ito ay may maayos na kalsada at tulay, iba’t ibang pasilidad at istitusyon. Higit sa lahat, ang mga ito ay may maayos na sistema ng patubig at irigasyon. Ang mga pagbabagong ito ay hindi naganao sa Cabuayo. Dahil hindi na gaanong ginagamit ng mga taga-Cabuyao ang kawa ng Laguna, naging mahalaga para sa mga mamamayan na ayusin ang mga maaaring daraanan patungo at palabas sa bayang ito. Dagdag pa rito, ang mga pangunahing pangangailangan ng mga taga-Cabuyao ay kinuha nila sa Calamba at Biñan, subalit sa panahong iyon ay hindi pa maayos ang kalsada at maraming mga nagnanakaw sa mga naglalakbay. Ito ang problemang tinugunan ni Kapitan Gavino Añonuevo. Pinalinis at pinapatag ang mga lupang daraanan upang gawing kalsada patungong Calamba. Binuksan ito noong 1806. 1853 naman nang matapos gawin ang tulay ng Pasong Bayan na nag-ugnay naman sa Sta. Rosa at Biñan. Isa sa mga mapalad na nakapaglingkod bilang pinuno ng bayan noong panahon ng Kastila ay si Alcalde Jose Deasanta Rivera noong 1852. Siya ang nagpatayo ng ikalawang sementeryo ng ating bayan. Sa tulong ng cura parocco noon na si Reb. Padre Mariano Gomes, ang libingang kanyang itinayo ang kasalukuyang ginagamit ng mga Poor Clare Sisters bilang kanilang monasteryo.
Ayon sa tala nakiusap ang mga mamamayan na magkaroon ng campo santo na malapit sa simbahan. Ang unang campo santo ay utunato sa daking kanluran ng nayon ng Sala. Ito ay bahagi na ng kasalukuyang kinatatayuan ng Asia Brewery.
Lester's blogs 